විමලනාත් වීරරත්න හා මාධ්‍ය නිදහස

මහරගම ඇරව්වල උපත ලද ඔහු නමින් විමලනාත් වීරරත්න වේ. අවුරුදු 19 කාලයක් රාවය පුවත්පත සමඟ සුහදව කටයුතු කළ මෙතුමන් ඉන් පසුව තම සේවය සපයනු ලැබුවේ ඉරුදින පුවත්පතටයි. 2015 වර්ෂයේ සැප්තැම්බර් මස සිට ඉරුදින පුවත්පතෙහි වැඩ ඇරඹි වීරරත්න මහතාට 2017.02.28 වන දින ඉරුදින පුවත්පතින් සමුගන්නට වූයේ ඉතාමත් අවාසනාවන්ත ආකාරයෙනි. නොසිතූ මොහොතක තමා සේවයෙන් ඉවත් කිරිම හා තම ETF,EPF මුදල් ද තමන්ට නිසි පරිදි නොලැබුණු බව පවසමින් මෙතුමන් කම්කරු උසාවිය වෙත පැමිණිල්ලක් ඉදිරිපත් කොට ඉරුදින පුවත්පතට එරෙහිව නඩු ගොනු කොට ඇත. යම් සේවකයෙකු සේවයෙන් ඉවත් කිරීමේදි මසකට පමණ පෙරාතුව සිට ඔහුට ඒ පිළිබඳ දැන්වීමක් කළ යුතු වේ. කිසිදු කරුණක් සම්බන්ධයෙන් පූර්ව දැනුම්දීමකින් හෝ යම් විමර්ශනයක් හෝ සිදු නොකොට හදිසියේ මෙසේ ප‍්‍රධාන කතෘවරයා ඉවත් කිරීම නීතී විරෝධි මෙන්ම අයුක්ති සහගත ය. මෙම සිදුවීමේදී විමලනාත් වීරරත්නයන් කාර්යාලයට කැඳවා පසු දින සිට ඔහුගේ සේවය අනවශ්‍යය බැව් ප‍්‍රකාශ කොට ඇත. ඔහු ඇතුළු තවත්  කතෘ මණ්ඩල සේවකයින් 06 දෙනෙකු මෙම සිද්ධියට මුහුණ දුන් අතර ඔවුන් සියලූ දෙනා කම්කරු උසාවිය වෙත පැමිණිලි ඉදිරිපත් කර ඇත.
වීරරත්නයන්  මෙම සිදුවීමට බල පෑ හේතු සාධකයන් පිළිබඳ මෙසේ අදහස් ඉදිරිපත් කළේය.

මහින්ද රාජපක්ෂ ආණ්ඩුවේ තිබූ වැරදි අඩුපාඩුකම් හේතුවෙන් එම ආණ්ඩුව පරාජය කොට යහපාලන ආණ්ඩුවක් ස්ථාපිත කිරීමට තමන් පෑන අවියක් කොට ගත්තේය. එහිදී ප‍්‍රතිඵලයක් ලෙස  යහපාලන ආණ්ඩුව බලයට පත් විය. නමුත් ක‍්‍රමයෙන් කල් වෙත්ම යහපාලනය රාජපක්ෂ ආණ්ඩුවට දෙවැනි නොවන්නට ඇත. බලයට පත් වීමට පෙර ඔවුන්,

1. පසුගිය ආණ්ඩුවේ වංචා දුෂණ හෙළි කිරීමටත්
2. සිදු වූ මිනිස් ඝාතන පිළිබඳ විමර්ෂණය කිරීමටත්
3. සමාජය ප‍්‍රජාතන්තී‍්‍රකරණය කිරීමටත්
4. විගනන පණත ගෙන ඒමත්

පොරොන්දු විය. ඒ සඳහා විශාල වැඩ කොටසක් කළ හැක්කේ රටේ ආණුක‍්‍රම ව්‍යවස්ථාවටය. නමුත් කල් යත්ම මෙකී කරුණු කාරණා විධිමත් ආකාරයකින් සිදුවන ආකාරයක් නොපෙනිණි. එයට විරුද්ධ වෙමින් ආණඩුක‍්‍රම ව්‍යවස්ථාව යථාර්ථයක් කරන ලෙසට පවසමින් වීරරත්නයන් ඇතුළු කතෘ මණ්ඩලය ලිපි ලියන්නට විය. විශේෂයෙන් ම පසුගිය ආණ්ඩුවේ මෙන් ම මෙම ආණ්ඩුව තුළ ද වංචා දුෂණ සිදු කරන්නා වූ මැති ඇමතිවරුන් පිළිබඳ තතු හෙළිකරන්නට විය. මෙම තත්ත්වයන් හේතුකොටගෙන  අවස්ථා කිහිපයකදි ම ඉරුදින පුවත්පතේ කළමණාකාරීත්වය විසින් විමලනාත් මහතාට අවවාද කරන්නට විය.
විශේෂයෙන් ම,

 සිදු වූ වංචා දුෂණ කැලේ පනින විට ඒවා තහවුරු කිරීමට තර්කාණුකූල කරුණු ඉදිරිපත් කිරීම
 ආණ්ඩුවේ ප‍්‍රබල ඇමතිවරයෙකු විගනන පණත මඟ හැරීමේදී ඒ පිළිබඳ ප‍්‍රශ්න කිරීම
 තාජුඞීන් ඝාතනය
 එක්නැළිගොඩ ඇතුළු මාධ්‍යවේදීන්ගේ අතුරුදහන් වීම් හා ඝාතන පිළිබඳ පරීක්ෂණ සිදුවන ආකාරයත් එක් එක් පුද්ගලයින් ඊට මැදිහත් වන ආකාරයත් පිළිබඳ ප‍්‍රශ්න කිරීම

යනාදී කරුණු පිළිබඳව ලිපි සැපයීම හේතුකොට ගෙන වීරරත්න මහතාට ඉරුදින පුවත්පතින් සමුගැනීමට සිදු විය.

කෙසේ  නමුත් මෙකී කරුණු මුල් කරගනිමින් විමලනාත් වීරරත්න මහතා කම්කරු උසාවිය තුළ නඩුගොනු කොට ඇති අතර තවමත් එම නඩු තීන්දුව ලැබී නොමැත. වීරරත්න මහතා මෙහිදී පවසන්නේ තමන්ට අවශ්‍යය වන්දි මුදල් නොව නැවත සේවයෙහි පිහිටුවීම බවය. ඒසේම මෙම සිද්ධිය සම්බන්ධයෙන් තමන් සමගින් සෙවයෙන් ඉවත් වූ අනෙක් කතෘ මණ්ඩල සේවකයින් 06 දෙනාටද ආධාරණත්වය ඉටු කරන මෙන් ඔහු ඉල්ලා සිටී.

වීරරත්න මහතාගේ අදහසට අනුව මාධ්‍ය නිදහස අහිමි වීමට හේතුවන කරුණු දෙකකි.

1. හිමිකාරිත්වයකට යටත්ව කි‍්‍රයාත්මක වීම

පුවත්පතෙහි හිමිකාරීත්වය දරනු ලබන පාර්ශවය විසින් තමන්නේ  ඕනෑ එපාකම් සපුරා ගැනීමේ අරමුණින් යුතුව පුවත්පතේ නිදහසට සීමා පණවනු ලබයි.


2. ජනමාධ්‍යවේදීන්ට පවතින නිදහස ඔවුන්ටම නොවැටහීම

තමන්ට පවතින්නා වූ නිදහස් කලාපය කෙතරම් දුකරකට ව්‍යාප්තව පවතිතනේ ද යන්න ජනමාධ්‍යවේදීන්ට ම නොවැටහීම කණගාටුවට කරුණකි. එසේ ම තමන්ගේ නිදහස තවත් පුද්ගලයෙකු පැමිණ සාදා නොදෙන බැවින් තමන්ගේ නිදහස තමාම සාදාගත යුතුය. දයාසේන ගුණසිංහයන් පවසන්නේ, ජනමාධ්‍යවේදියා හරකෙකු නම් තමන්ගේ කරේ ලනුවක් ගැට ගසා ඇත්නම් ඒ ලනුව කණුව වටේ තමන් විසින් ම පටලවා ගනිමින් අනේ මට දුරට යන්න නිදහසක් නෑ කියන්නේ නම් එය හරකාගේ වැරැුද්ද බවය.